Hæ hæ stúlkukindur!

Planið er að fara til Selfoss á morgun og kíkja til Agnesar og lambanna hennar. Spurningin er hvað við þurfum að fara á mörgum bílum, hverjar eru að fara, hver fer á bíl og klukkan hvað ætlum við að leggja af stað.

Ég ætla að fara og get farið á bíl. Ninna kemst því miður ekki vegna skólans. Rannveig, Anna og Emma ætla að fara. Spurning með Hrafnhildi og Ernu?

Vorum að hugsa um að leggja af stað rétt eftir 5 þar sem Emma verður á einhverjum fundi til 5. Bruna svo beint af stað eftir það. Hljómar 5 í lagi?

Agnes ætlar svo að bjóða okkur upp á mat. Hún var að hugsa um Lasagna eða Fahitas. Nammi nammi!

Kommenta svo stúlkur svo við fáum botn í þetta
ROAD TRIP... ÍHA!

Kv.
Margrét og RISAbumban!

Sælar stúlkukindur og takk fyrir síðast!

Nú er komið að næsta hittingi og verður hann haldinn í Barmahlíð 54. Þetta verður sunnudagshittingur með bakkelsi og góðgæti á boðstólnum. Dagsetningin er 24. febrúar og er mæting klukkan 14:00. Ástæðan fyrir því að þetta verður svona snemma er einfaldlega vegna þess að mig langar svo að hafa Agnesi með okkur. Hittiningarnir sem hafa verið haldnir undanfarið hafa alltaf verið haldnir svo seint á kvöldin að það hefur verið ómögulegt fyrir hana að mæta. Ég vona að þið komist sem flestar. Hlakka til að sjá ykkur  

Knús knús og kram!
Margrét Ýr

TIL HAMINGJU MEÐ AFMÆLIÐ ELSKU AGNESIN OKKAR!

Tonn af knúsi og endalaust of kossum
Gimsteinarnir þínir

Sælar og takk fyrir síðast.

Ég og Atli bjóðum til innflutningshátíðar laugardaginn 2.febrúar.
Ég segi hátíð vegna þess að fyrr um daginn ætlum við að búa til pönnsur eða baka fyrir þá sem ekki vilja eða hafa tök á að mæta í partýið um kvöldið.

Allra helst vil ég samt sjá ykkur eftir kvöldmat í Dvergabakka 4, 1. hæð til vinstri ójá.

Lullaby
Erna

Takk kærlega fyrir skemmtielga kvöldstund í gær kæru gimsteinar og takk kærlega fyrir fallegar innfl.gjafir. Virkilega fallegt af ykkur.

takk enn og aftur. Þetta var öfga gaman

kær vináttukveðja

Hrafn

Þetta sms fékk ég í nótt frá Agnesinni okkar:

Kl. 1:36 var Embla María svo heppin að eignast lítinn gullfallegan bróður, gæjinn var 13 merkur og 49 cm. Heilsast vel.

 Knús og kram!

Vildi bara láta ykkur vita kæru gimsteinar að Agnes er komin af stað
Læt ykkur vita þegar krílið kemur í heiminn!

Knús til ykkar

Jæja, þá er komið að fyrsta hittingi á nýju ári.

 Mánudaginn 21. janúar verður haldinn gimsteinahittingur

Það gleður mig að tilkynna þetta.

 Og það gleður mig enn meira að ég get nýtt tækifærði og boðið ykkur á nýja heimili mitt í fyrsta skipti.. veiveiveiveivei

Sem sagt.. þá er það 21. janúar, kapellustígur 7 (grá blokk með rauðum stigagangi), íbúð 305, klukkan 20:30. Vonast til að sjá ykkur sem flestar þær sem ekki komast... ýkt óheppnar.

Fyrir dreifarana: Þegar þið keyrið eins og þið séuð að fara útúr bænum til t.d. mosfellsbæjar þá keyrið þið þangað til þið sjáið blómaval, húsgagnahöllina og landsbanka ykkur á hægri hönd. Þá beygið þið til hægri og komið að umferðarljósum. Þar takið þið vinstri beygju og keyrið þar til þið komið að hringtorgi. Farið beint yfir hringtorgið, s.s. beygja númer 2. Keyrið áfram fyrst kemur beygja til hægri sem stendur á Klausturstígur, hunsið hana, svo kemur beygja númer 2 sem stendur kapellustígur.. þið eruð á réttri leið. finnið ykkur gott stæði og þá bý ég í blokkinni sem er lengst uppi í brekkunni. soldill spölur að ganga... ca. 2 mínútur frá bílastæði.

með vinsemd og virðingu.

Raven

Mig langaði að segja ykkur frá svolitlu sem kom fyrir mig í dag. Þannig er að ég kom heim úr skólanum og ákvað að leggja mig í svolitla stund þar sem að ég var svo afburðar þreytt. Eftir um 2 klst svefn vakna ég við þessi þvílíku læti fyrir utan hurðina á herberginu mínu. Fyrir þær sem ekki muna eða vita þá er svalahurð á ganginum beint fyrir utan herbergið mitt og vísar hún útí garð. Ég vakna við þessi þvílíku læti í svalahurðinni og síðan heyri ég karlmannsraddir sem ég kannast ekkert við. Hjartað mitt fer á billjón og ég gríp símann sem lá við hliðina á mér í rúminu. Ég hugsaði mig í smá stund um á meðan ég reyndi að hlusta eftir því hvort ég heyrði röddina hans pabba. En eina sem ég heyrði var ókunnug karlmannsrödd sem sagði: " Eftir hvern er þetta? .. Það er nú ekkert varið í þetta".

Ég sá fyrir mér tvo menn fyrir utan dyrnar hjá mér búnir að stafla upp því helsta úr húsinu og væru að spá í hvaða málverki þeir ættu að ræna. Ég var svo ógeðslega hrædd að ég heyrði í hjartanu mínu slá og lá bara graf kyrr í rúminu. Ég auðvitað hringdi á 112 og hvíslaði í símann: " Það er búið að brjótast inn hjá mér, ég er bara ein inní herbergi og þori ekki út!" Konan segir mér að ég fá samband við lögregluna og löggan spyr hvar ég sé stödd í húsinu og ég segi henni að ég sé í kjallaranum og þeir sögðust koma eins og skot.

Þar sem ég lá með hjartað á milljón og beið eftir löggunni og hugsaði um það hvað ég myndi gera þegar þjófarnir kæmu inn í herbergið mitt og hvort ég ætti að þora fram úr til að fela tölvuna og læsa hurðinni heyrði ég kunnuglega rödd fyrir utan gluggann á herberginu mínu!! Ég kveikti strax á að þetta væri maður frænku minnar og æddi því fram án þess að hugsa og kem þá bara að einhverjum manni sem ég þekki ekkert og ég spyr hann voða hastalega " Er Sigurjón með þér??" og hann bara "haa, já.. hann er úti" og ég fer út og þar er hann!!. Ég náttla brjálast og segi þeim að ég hafi næstum verið búin að skíta í mig úr hræðslu og sé búin að hringja á lögguna.

Stuttu seinna kemur löggan .. ein fyrir ofan hús að aðaldyrunum og ein fyrir neðan! haha.. og ég þurfti að segja þeim að þetta væri misskilningur og að það væru engir innbrotsþjófar

Pabbi hafði sem sagt fengið þá til að koma heim og laga svalahurðirnar á húsinu en bara gleymt að láta mig vita!

Kv. Ninna

Hæ hó dillidó

Auðvitað verða haldin litlu jólin

Heima hjá mér (Ernu) í Jörfalind 9 201 Kópavogi
Fimmtudagskveldið 27.desember klukkan átta.

Ég verð að vinna á fimmtudaginn en klára fyrir kl. 20, smelli í léttar veitingar en lofa engum herlegheitum og hnallþórum að ykkar sið, ég er eitthvað svo slojj. Bara svo það sé ekki misskylningur híhí

 Sjáumst á morgun í jóla(pakka)skapi, gleðilega hátíð

Ykkar einlæg,
Erna

Er ekki pottþétt hittingur á morgun? Og hvar þá og klukkan hvað ef þetta er on?

Ég er allavega búin að fjárfesta í pakka fyrir Litlu jól og er með pakka frá Agnesi ef ske kynni að hún kæmist ekki... 

Magga mús 

Við erum alveg að standa okkur í færslunum þessa dagana...
Við ættum að vera í prófum oftar

Það sem ég var að spá var það hvort þið Gimmóarnir ætluðuð eitthvað að sletta úr klaufunum þann 21.des. Ég og Rannsý klárum að minsta kosti þann dag, og alveg upplagt að fagna því með tilheyrandi hætti...ekki satt??

Ernan okkar verður komin heim, alveg viss um að hún verður game í eitthvað tjútt..Ninna verður úti að sóla sig, en verður bókað með okkur í anda Við hinar, verðum jú á landinu, sveittar og þreyttar eftir prófalestur, en ég meina það stoppar okkur nú varla...

Það sem er í boði er t.d.Palli á Nasa og háskólatjútt á Broadway... Ég er alveg heit fyrir honum Palla, en mig langar að sjá hvort fleiri séu það

Allavegana Rekstrarhagfræðin er farin að æpa á mig...

Endilega kommentið og segið ykkar skoðun, gangi ykkur annars bara vel í síðustu prófunum, þið sem eruð í prófum... Þið hinar, gangi ykkur vel að undirbúa jólin og flutninga

Ég var að koma úr sónarinum og í ljós kom að þetta er:

STÚLKA MARGRÉTARDÓTTIR!

Ljóst er að minnihlutinn hafði rétt fyrir sér og fær hann því verðlaun á næsta hittingi!

Knús knús og kosserí!
Margrét & stelpubumbubúi!

Elsku elsku Annan okkar!

Innilega til hamingju með afmælið!

Vonum að dagurinn verði frabær í alla staði (hann verður það samt pottþétt þar sem þú færð að hitta okkur gimsteinana í hádeginu!!) og að þú fáir fullt af kossum og knúsum (það gerist líka pottþétt því við eigum eftir að knúsa þig í kaf á eftir!!)

Eigðu yndislegan dag krúttípútt & haltu áfram að vera svona geðveikt frábær!!

KNÚS KNÚS OG ENDALAUST AF KRAMI!
Emma, Ninna, Agga, Rannsla, Embla, Ernie, Hrabba og Magga (og 2 bumbur!)